#ИнстаИлустрации – Маријана Иванова

Маријана Иванова по потекло од Виница, веќе 8 години живее и работи во Софија, каде и го завршила своето високо образование, на катедрата за Плакат и визуелна комуникација при Националната ликовна академија.

„Плакатот како израз, за мене е уметност со кауза, општествено ангажиран, и како што покажува историјата на пропагандните плакати – влијателен. Моето IMposter мото е: ‘A poster a day, keeps the ignorance A W A Y’’. Точно заради мојата верба во моќта на плакатите да влијаат на размислувањата на луѓето, да ги информираат, а секоја една нова мисла предизвикана од нив е потенцијална за промената на светот на подобро“, вели таа за Радио МОФ.

Иванова работи како фриленсерка, а последните три е и графички/рекламен дизајнер со целосно работно време. Работи и на други проекти по нарачка, додека во слободно време, изработката на плакати и служи како умствена вежба, преку која ги споделува своите мислења.

„Ме инспирираат секојдневните настани, општествените неправди, штетите кои ги претрпува природата од нашите дејствија, книгите кои ги читам, филмовите, моите пријатели кои се многу талентирани уметници и уметниците кои ги следам во виртуелниот свет. Неизбежно е да ги спомнам како инспирација и историски познатите уметници меѓу кои омилени ми се Aлфонс Муха, Егон Шиле, Бекшињски, Баскиjат, Фукуда…“, вели таа.

Досега реализирала 8 самостојни изложби низ Македонија и Бугарија, а нејзините дела се изложени на над 100 интернационални изложби во 27 земји во светот.

Добитничка е на неколку награди, меѓу кои: прва награда на конкурсот за плакат на Биеналето за дизајн во Перу за нејзиниот плакат за ,,Тетовирање‘‘, прва награда на конкурсот за плакат „Работа во 2030 г.“ во Потсдам, Германија, и втора награда на конкурсот за плакат на тема: „70 години Димитровград“ во Димитровград, Бугарија.

Иванова е уште една илустраторка која се приклучува на нашата иницијатива #ИнстаИлустрации. Во продолжение, погледнете дел од нејзините постери:

View this post on Instagram

A post shared by IMposter (@ivanovamposter)

МОЖЕ ЌЕ ВЕ ИНТЕРЕСИРА