Во основното училиште „Христијан Тодоровски Карпош“ денеска од 15 до 18 часот ќе се одржи хуманитарен базар.
На него ќе учествуваат група креативни наставници (ракотворци) и занаетчии кои ќе се претстават со нивните уникатни ракотворби (филиграни, изработки од срма, производи со декупаж-техника и сл.). Ќе бидат застапени и производи од органско потекло.
Настанот се организира по повод Денот на општината.
Целта на базарот е оживување на веќе изумрените занаети, доближување на учениците и откривање на значењето и важноста на народното творештво, просвета и култура. Собраните средства ќе бидат наменети за уредување на училишниот двор.