Стивен Хокинг ја повикува поделената пост-референдумска Британија да размисли за вредноста која ја дава на парите и материјалното богатство.
Во есеј за Guardian, славниот физичар објаснува како референдумот за излез од ЕУ бил условен од ставовите кон богатството и начинот на кој општеството денес става најголем акцент на парите и акумулирањето лична сопственост.
Хокинг нагласил како исходот на референдумот би влијаел на можноста за финансирање на значајни научни истражувања, како работата која тој ја постигнал во текот на неговата кариера.
„Парите се исто така и важни, бидејќи им даваат слобода на индивидуалците. Во минатото зборував за моите грижи дека намалувањето на буџетот во Велика Британија ќе ја намали поддршката за студентите со посебни потреби – поддршка која ми помогна во мојата кариера. Во мојот случај, секако, парите не помогнаа само во мојата кариера, туку и за да останам жив“.
„Парите им даваат слобода на индивидуите, исто како што сиромаштијата може да ги улови и да го ограничи нивниот потенцијал, на нивна штета и на штета на човечкиот род“.
Како личност со тешка попреченост, Хокинг вели дека е во уникатна позиција во која парите се само начин да продолжи да работи, и дека она што богатството може да му го овозможи е нешто што никогаш нема да може доволно да го цени. Вели дека овој став е се пошироко прифатен. Прашањата за реалната вредност на парите ставаат во опасност значајна промена во однесувањето, кое за промена инспирира нови значајни проекти и начини на размислување за иднина за следната генерација, смета тој.
„Луѓето почнаа да размислуваат за вистинската вредност на богатството. Дали е знаењето и искуството позначајно од парите?“, прашува Хокинг во својот есеј.