Импровизирани сообраќајни знаци со содржина „Внимавајте, Диме Спасов на патот“, викендов се појавија на улиците од Штип. Знаците се дел од герила-акција, додека организаторите не се познати.
Знаците биле поставени во строгиот центар на градот, покрај реката Отиња, до пешачката патека во коритото на реката Брегалница и во паркот во населбата 8 Ноември.
Акцијата е поттикната од инцидентите пред две недели, во кои учесник беше Дополнителниот заменик министер за труд и социјална политика, Диме Спасов.
