На денешен ден (11 ноември) во 1918 година, потпишано е примирје во Првата светска војна, а со капитулацијата на Германија, се завршил дотогаш најголемиот воен судир во историјата на човештвото. Фотографот Michael St Maur Sheil поминал седум години на проектот Fields of Battle – Lands of Peace 14-18 , во кој се оддава почит на жртвите на страдањата од Првата светска војна. Тој фотографирал бојни полиња, претежно на Западниот фронт, во Франција и Белгија, на кои и денеска се видливи трагите од воените разурнувања.
![[Галерија] Бојни полиња од Првата светска војна, 100 години подоцна](http://www.radiomof.mk/radiomof_backend/wp-content/uploads/2014/11/ww1-1.jpg)
Сцена од меморијалниот парк Њуфаундленд, кој постои во знак на сеќавање на војниците од Кралската канадска регимента кои загинале во битката на Сома. Трагите од гранатите и рововите се уште се видливи денеска
![[Галерија] Бојни полиња од Првата светска војна, 100 години подоцна](http://www.radiomof.mk/radiomof_backend/wp-content/uploads/2014/11/ww1-3.jpg)
Кратерот Лошнагар во близина на Сома, Франција, широк 90 метри и длабок 21 метар – најголемиот кратер во светот направен од човечка активност
![[Галерија] Бојни полиња од Првата светска војна, 100 години подоцна](http://www.radiomof.mk/radiomof_backend/wp-content/uploads/2014/11/ww1-7.jpg)
Месноста Бит де Вокуа во Франција. На врвот на овој рид некогаш имало село, кое е комплетно уништено во гранатирање меѓу 1915 и 1918
![[Галерија] Бојни полиња од Првата светска војна, 100 години подоцна](http://www.radiomof.mk/radiomof_backend/wp-content/uploads/2014/11/ww1-9.jpg)
Надгробно обележје на еден од последните недопрени гробови на бојното боле во областа Шампањ. На него е напишано: „Гроб на Едуар Ивалди, водник“.