[Фото] Училишни униформи за основците од Аеродром

Од оваа учебна година учениците од сите основни училишта во Аеродром ќе почнат да носат училишна униформа. Денеска неа ја промовираа градоначалникот на општината Ивица Коневски и заменик-министерот за образование и наука, Спиро Ристовски.

uniformi

Според Коневски, целта на овој проект е сите ученици да бидат облечени во иста облека и да се навикнат на соодветен кодекс на облекување. За Ристовски, пак ова е позитивен проект и пример за тоа како учениците ќе можат полесно да се фокусираат на воспитно-образовниот процес, наместо на изгледот и начинот на облекување.

Училишната облека се состои од сиви панталони, бели блузи и тегет елеци со амблем, на кој е извезено логото на Општина Аеродром и името на училиштето. Девојчињата ќе имаат можност да одберат здолниште или панталони. Трошоците за 6.000 училишни комплети ги покрива општината.