[Фото] Средношколците се собраа пред МОН: Нема да си одиме!

Дождот не ги спречи средношколците попладнево, по втор пат да ја излезат на улицата пред МОН за да го изразат својот револт од игнорантскиот однос на надлежните и ќе побараат да продолжи дијалогот.

Со силни свирежи и скандирање „Доста беше молк“, тие ги потсетија надлежните дека се уште седат во кампот и очекуваат одговор на нивните барања.

„Нема да си одиме. Како што останавме и претходно кога силно врнеше, така нема ни сега“, порачаа од Средношколскиот пленум.

На денешниот краток протест излегоа околу стотина средношколци, но и наставници и родители.

„Иако сме малку не не поколеба дождот. Утре во исто време (овде) и да бидеме помасовни“, порачаа средношколците.