Пожарите во велешко оставија огромни последици за животните и растенијата во тој крај. Андреј Михајлов од Истражувачкото друштво на студенти биолози реши да го посети и да ја документира штетата на терен.
„Гледајќи го хоророт предизвикан од човекот (Homo sapiens trashicus) тотално останав без зборови. Нашите потомци најмногу ќе наплатат за нашите гревови“, напиша тој во описот на фотографиите што ги објавија на својот Инстаграм профил.
Само во пожарот кај езерото Младост изгоре голема површина на борова шума од околу 200 хектари, а проценките се дека од оваа огнена стихија биле зафатени вклупно околу 400 хектари шума и трева.
Градските власти соопштија дека средствата планирани за локалниот Фестивал на пити и вино ќе бидат пренаменети за санирање на последиците од пожарите и пошумување на оголените површини и обезбедување на професионална лична заштитна према за пожарникарите.
*По објавата, до Радио МОФ пристигнаа фотографии и од Зоран Николов, жител на Велес.
