Само околу 5 отсто од жените имаат тела како оние што се промовираат на билбордите, во списанијата и на модните писти. Проектот „Expose“ сака да ги види и останатите жени.
Блогерката и активистка Jes Baker заедно со фотографката Liora K почнаа да ги покажуваат женските тела онакви какви што навистина се, без филтери на фотографиите и без Фотошоп.
„Кога за последен пат сте го отвориле интернет пребарувачот и сте виделе ибава слика на тело со облик како вашето?, прашува Baker на блогот посветен на проектот.
96 жени, избрани преку Фејсбук, се собраа во Аризона и се разоткрија пред фотографката. Така, по втор пат Baker и K. правеа слики за проектот кој покажува дека жените се чувствуваат добро во својата кожа и уживаат во телата кои немаат никаква врска со оние поставени на бројните билборди.
