Добротворен концерт на Македонско – американската алумни асоцијација во Филхармонија

По минатогодишниот успех на „One night in America“, овој декември Македонско – американската алумни асоцијација (МААА) организира голем добротворен концерт на најпопуларните американски поп и џез композиции поврзани со новогодишните и божикни празници под наслов „Christmas in New York“.

Композициите ќе бидат во изведба на Биг бендот на Здружението на џез музичари (ЗЏМ). Со оркестарот ќе диригира Џијан Емин, а како солисти ќе настапат Ирина Карамарковиќ и Џон Илија Апелгрен.

Kонцертот  ќе се одржи во големата сала на Македонската филхармонија на 15 декември (сабота) од 20 часот.

Билетите се во продажба на билетарницата на Македонската филхармонија и МК тикетс.