Пожарите кои беснеат во амазонската прашума се гледаат и од вселената, покажаа последните фотографии на американската вселенска агенција-НАСА направени во овој реон.
Снимките на НАСА покажуваат пораст на пожарите и чадот во бразилските држави Рондонија, Мато Гросо и Амазон.
August 2019 is continuing an active Amazon fire season, with large and intense fires burning in the region. @NASA satellites tracked actively burning fires across South America and captured images of smoke in the last week. https://t.co/EZKu01MPHg pic.twitter.com/VEoNZi2KJQ
— NASA Earth (@NASAEarth) August 23, 2019
Само годинава во Бразил избувнале повеќе од 75.000 пожари или за 83 проценти повеќе од лани. Евиденција на пожари во овој реон се води изминатите шест години.
Организациите за животна средина тврдат дека пожарите се палат од луѓето кои сакале да ја уништат вегетацијата, за да добијат поголеми површини обработливо земјиште. По критиките кои стигнаа на адреса на Бразил и најавите за отежнување на економските врски со Европа, претседателот Жаир Болсонаро ја испрати војската да ги гасне пожарите.