Откако насликаа цел Боинг 747, а сега го направија еден од најголемите мурали во светот, се чини дека ниедно „платно“ не е премногу големо за бразилските улични артисти Os Gemeos.
Во последниот подвиг на креативната двојка, шест силоси за жито, високи над 20 метри, кои се наоѓаат во индустриски комплекс на остров близу канадскиот град Ванкувер, добија комплетно нов лик. Двајцата артисти биле поканети на Биеналето во Ванкувер, за во текот на еден месец да ги претворат силосите во впечатливи „џинови“ кои сега ја украсуваат околината. На сајтот Indiegogo во меѓувреме е покрената успешна кампања за покривање на трошоците за проектот.
