Стотици демонстранти се собраа викендот пред Белата куќа за да испушат џоинт, повикувајќи ја американската влада да ја легализира марихуаната. Демонстрантите носеа огромен гумен џоинт и го запалија во саботата, во точно 4:20 часот, барајќи од претседателот Барак Обама да го повлече канабисот од листата на контролирани супстанции, во која се наоѓаат и потешки дроги како хероин.
Активист рече дека илјадници луѓе кои се уапсени за поседување дроги треба да бидат помилувани.
„Она што сакаме денеска е Обама, со еден потпис, со извршна наредба да ја легализира марихуаната, а потоа, сакаме да им се прости на оние кои биле уапсени за марихуана и сакаме 50 држави да ја признаат нејзината употреба во медицина“, изјави активистот за Ruptly.
Пушење марихуана во јавност се уште е нелегална во Вашингтон, но поседување до 56 грами е легално. Во Калифорнија, пак, е дозволено да се користи марихуаната за медицински цели.