„’ФИЈУК викенд’ и овој пат вдомен во една од институциите, или најбитната меѓу нив: кафаната“, информираат од Партизанска штампа.
Се работи за саем на независно издаваштво и независна уметност. Инициран е во Белград од колективот „Матријаршија“ пред околу 5-6 години, па оттаму се проширува и во Скопје, а паралелно расте и по други градови и локации.
„’ФИЈУК’ саем на независна алтернативна уметност! Над 30 излагачи на авторска уметност во вид на музика, графика, слики, фотографии, фанзини, уметникови книги, разгледници, цртежи, рачно цртан текстил…“, посочуваат од Партизанска штампа.
Новиот „ФИЈУК саем“ ќе се одржува во „Трн“ спроти Министерството за култура, на 27 декември од 14 до 18 часот кога ќе биде отворрање на саемот со изложба на Марко Печеновиќ – „Само напред“.
Од 28 декември од 14 до 23 часот ќе има:
Нови излагачи + Слушаме Канал 103 „Зборуе радио Скопје“ + Работилница за длабок печат (Ана Трајковска) + Работилница за колаж (Скопје Колаж Колектив).
Излагачи се: @boshfest, @ynija1234, @red__dd, @ertuncsali, @tomadimovski, @sailoreclipse__, @tay_tay_a, @davorkeskes, @smt.et, @ponder, @spoznavanje, @atancovsky, @kaev.mario, @lenivongelevaphotography, @beamoff.art, @liminal2trash, @dimedanov, @filipa, @jananikolovska.art, @belikj_j, @marko.trepeski, @nuclei.i, @iskra.mkd, @shocktroopersmkd, @Matej Bogdanovski, @sharlarecords, @partizanprint, @mrtov_konj, @privateprint, @hops_mk
Од Партизанска штампа веќе посочија дека самото име на саемот е земен од стрип, најчесто кога пролетува куршум пишува „ФИЈУК“. Целта е да се покаже дека оружјето е во создавањето, творештвото, печатењето, во издавањето на книги, фанзини, фотографии, графики…
„Истовремено сакаме да ја зголемиме свесноста за колекционерската вредност на локалната уметност“, нагласија „партизаните“.
Идејата е преку вакви редовни саеми да се зацврстува издавачката дејност – на хартиени или музички или било-какви изданија, но и да се зголеми соработката меѓу самите учесници и публиката.
„Без публика не би постоеле. Ова е начин да поразговараме, да бидеме критикувани, да бидеме инспирирани, а за секое следно издание да подготвиме нешто ново, да се преиспитаме до каде сме“, посочија од Партизанска штампа.
Бојан Шашевски
