Radiohead најавија концерт, првпат по 2012 година

Британскиот бенд Radiohead ги најави првите настапи во живо по 2012 година. Групата ќе настапува на Primavera Sound Festival во Барселона и на фестивалот OpenAir St Gallen во Швајцарија.

Други „хедлајнери“ на Primavera за овогодинешното издание се PJ Harvey и LCD Soundsystem. На тридневниот музички фестивал, меѓу другите, ќе настапат и Tame Impala, Suede, Sigur Rós, The Last Shadow Puppets, Animal Collective, Brian Wilson, Air и Kamasi Washington.

Radiohead немаат настапувано во живо откако нивната последна светска турнеја заврши на 17 ноември 2012, со концерт во Rod Laver Arena во Мелбурн, Австралија. Се очекува наскоро да објават нов албум.

Извор: Guardian