Здружнието на новинари на Македонија (ЗНМ) на нивно барање одржа средба со градоначалничката на Град Скопје Данела Арсовска, каде присуствувале претседателот на ЗНМ Младен Чадиковски, претставниците на ЗНМ и градоначалничката Арсовска.
На средбата се дискутирало за одржување редовни брифинзи со новинарите како начин за унапредувањето на транспарентноста на Град Скопје, при што во интерес на двете страни и јавноста, како што велат од здружението е неделно да се брифира за настани поврзани со работата на градот.
„Ставот на ЗНМ е дека многу е важно администрацијата на Градот Скопје да биде отворена и транспарентна кон новинарите бидејќи тие играат клучна улога во информирањето на јавноста. Професионалните новинари помагаат на избраните функционери да бидат транспарентни пред граѓаните преку известување за нивните активности, политики и резултати, со што се гради доверба и кредибилитет. Дополнително, со слободниот проток на информации, се овозможува придвижување кон функционална демократија“, потенцираа од Здружението на новинари на Македонија.
