Берлин е средиште на денс музиката и клупската култура, а иако градот има долга историја на панк и рок бендови, изгледа дека Штутгарт денеска е местото каде се раѓаат и работат највозбудливите нови германски бендови. Музичарите од оваа листа, според критичарите, би можеле да ги одбележат следните години.
Drangsal е роден во Берлин, но живее и работи во Штутгарт. Неговиот звук е инди пост-панк, со олигледни влијанија од бендови како The Cure and Depeche Mode. Неговиот прв албум излегува на 22 април.
All diese Gewalt (во превод „Сето тоа насилство“) е една од многуте инкарнации на германскиот вундеркинд Max Rieger. Тој е своевиден амбасадор на штутгартската музичка сцена и постојано ги води работите напред, со својот извонредно широк спектар на музичко делување – од амбиент и noise, до пост-рок со техно влијанија:
Dagobert е неверојатно интересен музичар, Швајцарец кој поминал пет години изолиран во планинска куќичка, компонирајќи музика и пишувајќи љубовни песни. Тој е фан на метал-бендот Kreator и носи старомодни костуми. Неговиот звук е силен, искрен и пријатен.
Fabian е група од Лајпциг, која негува звук што потсетува на нашите Bernays Propaganda.Предводени од единстевниот вокал на студентката по уметност Vitiko Schnell, Fabian штотуку го издадоа нивниот прв вистински албум, во продукција на Max Rieger.
Die Heiterkeit е бенд чија музика се опишува како „забавена снимка на коњи што трчаат на дожд“ – во исто време грациозна и депресивна музика, водена од карактеристичниот вокал на Stella Sommer:
Karies е уште еден доказ дека Штутгарт е епицентарот на добрата нова музика во Германија во моментов. Сиров, цврст и бескомпромисен пост-панк. Вториот албум, продукција на Max Rieger, штотуку излезе.
Messer е бенд предводен од извонредниот Hendrik Otremba – писател, сликар, новинар, радио водител и универзитетски професор. Групата негува оригинален, посебен звук, извајан од нејзините членови, ектремно талентирани музичари.
Der Ringer е еден од најперспективните германски бендови.
Search Yiu во суштина прави модерна поп музика, со R&B влијанија и доза на бендови како Death In June и Sufjan Stevens. Деби-албумот на Search Yiu излегува бесплатно на 14 февруари.
Бендот White Wine (порано познат како Vin Blanc) прави музика што е тешко да се категоризира, па и да се објасни со зборови. Нивниот трет албум, „Who Cares What The Laser Says“ излегува на 25 март.