Вермонт стана првата американска држава која забрани фрлање остатоци од храна во отпад.
Регулативата, која стапи на сила од 1 јули, им забранува на жителите, рестораните, супермаркетите и другите бизниси да фрлаат отпадоци од храна – како лушпи, кора, семиња, остатоци од мелено кафе и од оброци – во канти или други контејнери што се користат за отпадоци.
„Ако некогаш било дел од нешто живо, како растение или животно, не спаѓа во депонијата“, велат официјалните лица.
Остатоци од дворовите како лисја и искосена трева се исто така вклучени во забраната.
Според законот, локалците треба да ги соберат остатоците од храна во посебен сад. Засега, тие имаат три опции: да ги компостираат остатоците од нивниот имот, да ги однесат во специјализиран објект или да ангажираат надворешна компанија да го направи тоа.
Забраната за отпадоци од храна е слична на онаа што веќе ја има во Франциско, Сиетл и некои други големи американски градови, но Вермонт е првата држава што донесе ваков закон. Неодамнешната студија на Универзитетот во Вермонт откри дека 72% од жителите на државата веќе компостираат.
Властите во Вермонт проценуваат дека во моментов околу 20% од отпадот во државата доаѓа од храна. Кога тој отпад се депонира во депонија и се покрива, произведува метан, стакленички гасови за која Американската агенција за заштита на животната средина смета дека е 25 пати помоќна од јаглерод диоксидот во текот на 100-годишен период.
Заедно со влијанието врз животната средина, властите се надеваат дека законот ќе ги натера жителите да бидат посвесни за финансиските придобивки од трошењето помалку храна. Министерството за земјоделство на САД проценува дека четиричлено семејство може да заштеди во просек 1.500 американски долари годишно со тоа што ќе троши помалку расипнички.