Уметничка инсталација користи УВ светлина за да ја намали количината на коронавирус во воздухот

Инсталацијата „Урбанo сонце“ на холандскиот дизајнер Даан Рузгард ја користи ултравиолетовата светлина за да ја намали количината на коронавирус во воздухот во опфатените простори и да го намали ризикот од пренесување.

„Ова не е замена за вакцина или владините правила, тоа е дополнителна бариера, дополнителна безбедна зона за училиштата, болниците, железничките станици“, вели Рузгард за Ројтерс.

Пандемијата доведе до зголемен интерес за УВ светлината со бранови должини помали од 280 нанометри, која се смета за ефикасен убиец на коронавирусот и други вируси.

Комерцијалните производители не препорачуваат луѓето да бидат директно изложени на УВЦ поради загриженост дека може да им наштети на кожата или очите, па затоа актерите вклучени во проектот се изложени на светлина само неколку минути.

Рузгард, кој ги меша науката и дизајнот во своите проекти, ја создаде „Урбано сонце“ по истражувањата кои посочуваат дека ултравиолетовата светлина со бранова должина од 222 нанометри, нешто помалку од стандардот на индустријата, е генерално безбедна.

 

View this post on Instagram

 

A post shared by Daan Roosegaarde (@daanroosegaarde)

Рузгард досега двапати ја претстави својата инсталација во Ротердам, со надеж дека ќе „создаде места кои се побезбедни, наместо постојано да бидат заглавени на екран пред Зум“.