Амбасадата на Кралството Холандија на Твитер најави акција за чистење на Кејот на реката Вардар утре на пладне. Во акцијата „Clean-up Tweet up“, за чистење на кејот од ѓубре, прусуство најавија и од амбасадата на САД и Владата на Република Македонија. Холандската амбсада настанот го организира заедно со „Пивара Скопје“ и „Пакомак“.
Драги твитерџии, собирно место за акцијата ќе биде кејот на Вардар (одбојкарското игралиште зад локацијата на Луна Парк) – се гледаме во четврток во 12:00 часот! Ви благодариме за сите предлози – се надеваме на повеќе вакви акции! https://t.co/QmpbVwfeQz
— DutchEmbassy Skopje (@NLinMacedonia) April 24, 2018
Американскиот амбасадор Џес Бејли на „Твитер“ објави дека тимот од неговата амбасадата е среќен што може да се вклучи во активностите за чистење, организирани од неговиот колега Ваутер Пломп од амбасадата на Холандија. На Твитер присуство најави и вицепремиерот за евроинтеграции Бујар Османи со неговиот кабинет и Секретаријатот за европски прашања.
A team from @usembassymkd looks forward to joining @NLinMacedonia @Pivara_Skopje, and @pakomakmk for the ‘Clean-up Tweet-up’ activity this Thursday. #EarthDay2018 https://t.co/Bpzlw85pqZ
— Amb. Jess Baily (@AmbBaily) April 23, 2018
Me & my Cabinet crew, enhanced by some of the finest from the @secretariat4eu administration, will be joining the forces with the @usembassymkd @NLinMacedonia @Pivara_Skopje @pakomakmk and others, in the efforts to fulfill the Clean-Up Tweet-Up mission on thursday#EarthDay2018 https://t.co/AjAFJp5Ejg
— Bujar Osmani (@Bujar_O) April 24, 2018
Од холандската амбасада посочија дека по трет пат организираат акција за чистење. Во претходните две акции се чистеше ѓубре и смет од кејот на Вардар и кај Езерото Матка. Во овие акции покрај вработените од амбасадата редовно учествува и амбасадорот на Холандија Ваутер Пломп, а во минатогодишната акција за чистење на Матка се вклучи и британскиот амбасадор Чарлс Гарет.
Пред неколку години холандската амбасада организираше и чистење на Маврово.