За своето трето и досега најатрактивно издание по повод 15-от роденден на фестивалот EXIT, Gaia eXperiment бината на Петроварадинска тврдина ќе ги доведе некои од најбараните претставници на транс музиката.
Од 9 до 12 јули љубителите на псај и прогресив транс звукот, ги очекува лондонската ѕвезда Avalon и холандскиот продуцент Liftshift, како и домашните Zyce, E-Clip, Мiddle Mode, Imaginarium, Pion и Arhetip. По повод јубилеjот на EXIT, програмата е збогатена со жанрот форест, кој ќе го презентираат гостите од Германија преку два проекти: Noctilus и Nocti Luka, додека фамозниот гоа стил доаѓа со српската стара школа – Sarmati. За самиот крај на секоја вечер, предвидени се даунтемпо настапи на изведувачите како што се Magnetic и Dalton, како и со домашната диџеј поддршка составена од водечките српски организации.
Gaia eXperiment Trance Stage го промовира еден од најраспространетите музички стилови, жанровски наречен psychedelic trance, кој настана на почетокот на деведесеттите години, а кој доживеа голема светска експанзија во изминатата деценија преку најголемите светски фестивали. Традиционално, и оваа година за водење на бината задолжена е една од најактивните регионални транс асоцијации, eXperiment, која порачува: „Psy-trance стилот има силна енергија и ги обединува сите нации на најубавите места на планетата Земја. Psy не е само музички жанр, туку и еден културолошки активизам кој своите пораки ги пренесува преку танц, размена на енергија и меѓусебно почитување на различните светови, додека ги поврзува со добро познатиот софистициран звук.
Своите настапи на овогодишната, ултимативна EXIT aвантура, од 9 до 18 јули, за едно од најсилните програмски изданија досега, ги потврдија: Manu Chao, The Prodigy, Motörhead, Rudimental, Faithless, Roisin Murphy, Emeli Sandé, Hardwell, Sigma, John Newman, Capital Cities, Clean Bandit, Tom Odell, Martin Garrix, Gramatik, Leftfield, Tale of Us, Adam Beyer, Chris Liebing, Wilkinson, Eagles of Death Metal, Fear Factory, Zomboy, Roni Size Reprazent, Bondax, Napalm Death, Dubioza kolektiv, Octave One, Soul Clap, Hladno pivo, Zoster, Rambo Amadeus, Artan Lili, Lola Marsh, 1000mods и бројни други за вкупно повеќе од 1.000 уметници на 30 фестивалски бини од Петроварадин до плажата Јаз во Будва.