Во периодот од 21 до 23 февруари во главниот град на Хрватска се одржа дебатниот турнир „Загреб Опен 2020“. На него учествуваа дебатери од земји од цела Европа, меѓу кои и шест претставници од нашата земја, членови на дебатните клубови на Младински Образовен Форум, а особено значаен беше индивидуалниот успех на Сoња Митиќ.
Митиќ се се пласираше на 5-ата позиција на индивидуалната ранг листа, односно беше првопласирана помеѓу женските говорнички.
Шесте дебатери Ѓорѓи Димески, Соња Митиќ, Ана Угрова, Анастасија Марковска, Лука Радуловиќ и Марија Јанева беа поделени во три тимови и се натпреваруваа во БП форматот (тип на дебата) во кој и традиционално се одвиваат Опен турнирите ширум Европа.
Дел од тимот беше и Весела Трајкоска, дебатен тренер од МОФ, во улога на судија на турнирот.
За поголемиот дел од дебатерите ова беше првото учество на меѓународен турнир, додека пак тимот „Coco`s dress“ составен од Димески и Митиќ успеа и да се избори за место во полуфиналето на турнирот и да освои конечен пласман на 3-ата позиција од вкупно 49 тимови.