Јапонските власти одлучија да го зголемат наталитетот со тоа што од следната година ќе кофинансираат проекти кои со употреба на вештачка интелегенција, ќе им помогнат на луѓето да најдат партнери и да основаат семејство, пренесува „Ал Џазира Балканс“.
Проектите кои властите планираат да ги кофинансираат се однесуваат на изработка на апликации и сервиси за барање партнери. Агенцијата „Франс-прес“ јавува дека од следната година, јапонската влада ќе им додели на локалните самоуправи 19 милиони долари.
Популацијата на Јапонија е генерално повозрасна, a долго време се бара начин да се сврти трендот на една од најниските стапки на наталитет во светот, затоа властите одлучија да прибегнат кон напредната технологија и да ја користат вештачката интелегенција.
Во Јапонија минатата година се родени помалку од 865.000 бебиња, што претставува најмала бројка досега.