Долниот дом на Руската Државна Дума на третото читање го одобри новиот контроверзен закон со кој се забранува „ЛГБТИ пропагандата“ за возрасни, пренесува „Еуроњуз“.
Со овој предлог – закон се забранува рекламирање на медиуми, книги, филмови и театарски претстави за кои се смета дека промовираат хомосексуалност, а предлогот предвидува и забрана на секој граѓанин да им дава информации на децата за педофилијата и родовите транзиции.
Мерката значително ја заострува репресијата врз ЛГБТИ заедницата во Русија со што ја проширува и претходната законска измена со која во 2013 година се забрани „ЛГБТИ пропагандата“ за деца и млади луѓе под 18 години.
Споделувањето на материјал поврзан со ЛГБТИ правата, хомосексуалноста и родовиот идентитет ќе биде казниво со парични санкции од 400.000 рубљи до 5 милиони рубљи или 80.000 евра за правни лица. Странските државјани кои нема да го почитуваат овој закон ќе бидат протерани од државата.
Предлог-законот пред да се усвои треба да помине и на читање и кај горниот дом на парламентот – советот, а потоа да го потпише претседателот Владимир Путин.
Врз основа на преседан, не би требало да има потешкотии за да се потпише и усвои како закон.
„Овој закон ќе ги заштити нашите деца и иднината на земјава против црнилото што го шири САД и европските земји. Ние имаме наши традиции и вредности“, изјавил претседателот на Државната Дума, Володин Вјачеслав.
Сепак, групите за човекови права изразија загриженост во однос на донесувањето на ваквиот закон бидејќи мислам дека ќе ја зголеми цензурата и хомофобијата во Русија и ќе ја притисне ЛГБИ заедницата.
ЛГБТИ мрежата го нарече како апсурден обид што ја понижува и дискриминира заедницата. Досега се проценува дека многу од членовите на руската ЛГБТИ заедница ја напуштиле државата од почетокот на руската инвазија врз Украина на 24 февруари годинава.
