Во киното „Фросина“ во Младинскиот културен центар на 26 јуни (среда) од 20 часот ќе биде промовирана книгата „Маалски прикаски (1+2)“ на Синиша Станковиќ.
Книгата е во издание на „Или – или“, а според најавите се работи за „65 прикаски за скопските маала, напишани во семејното бифе ‘Носталгија’ на Случајниот Минувач низ неговиот и вашите животи“.
За и околу книгата и нашите маала ќе муабетат/читаат/пеат: Калина Малеска, Драган Спасов – Дац, Ристо Самарџиев, Петар Ренџов и авторот Станковиќ.
Авторските фотографии во книгата се на: Ѓорѓи Личовски (ЕПА), Огнен Теофиловски (Ројтерс), Роберт Атанасовски (АФП), Томислав Георгиев („Фокус“), Борис Грдановски (АП), Наке Батев („Вечер“), Маја Златевска (ех „Дневник“), Андреј Гиновски (фриленсер) и Радован Вујовиќ (фриленсер).