Филмската програма на Кафе и Филм Котур за оваа сезона, почнува со „Филмска Азбука 003 – Кирил Ценевски“ , недела посветена на творештвото на македонскиот режисер Кирил Ценевски (1943-2019) .
За време на оваа недела посветена на Кирил Ценевски ќе бидат прикажани 4 негови долгометражни филмови, а посетителите ќе можат да набават ДВД издание кое претставува уникатна колекција на дигитално реставрираните играни филмови на Кирил Ценевски: ЦРНО СЕМЕ, ЈАД, ОЛОВНА БРИГАДА и ЈАЗОЛ. Филмската азбука почнува на 23 септември, во 20:00 часот со филмот „Јад“, на 24 септември ќе се прикажува „Оловна бригада“, на 25-ти е „Јазол“, а на 26 „Црно семе“.
„Кирил Ценевски е дефинитивно уникатна појава и како што го нарекуваа бунтовникот на македонската кинематографија, човекот кој помести многу граници во филмската уметност и ги надмина современиците Уште со првиот филм, ЦРНО СЕМЕ, ги освои не само најбитните награди на фестивалите во тогашна Југославија, туку е и прв македонски игран филм кој учествувал и бил наградуван на интернационални филмски фестивали“, велат од Котур.