Пет визуелни уметници создадоа дело за вредностите на струшкиот регион препознаени од УНЕСКО

Во склоп на фестивалот „Дрим Он“, во поранешното кафуле „Синема“ вчера беше претставено делото на петмина визуелни уметници со кое сакаат да порачаат на поголема колективна одговорност и освестување за вредностите на регионот, препознаени од УНЕСКО.

Филип Велковски, Сали Ертунч, Милко Нестороски, Викторија Попоска и Горан Ристовски претходните пет дена се впуштија во еден експериментален и истражувачки пристап на создавање визуелни сензации со кои се добиваат разновидни перцепции.

За создавање на делото уметниците се служеја со природни материјали како трска, камен, вода и тиња, а фокусот е во насока на истражување и преиспитување на важноста за природното светско наследство во релација човек-природа.

* Оваа содржина е изработена со помош на Европската Унија во рамките на Проектот за младинско изразување. За објавените содржини е одговорен Младински образовен форум и истите нужно не ги одразуваат ставовите на Европската Унија.