Во светот минатиот месец бил соборен голем рекорд – јули бил најтоплиот месец некогаш измерен во историјата, според податоците кои денес ги објави американската Националната агенција за истражување на океаните и атмосферата (НОАА).
Јули е обично најтоплиот месец во годината во светот, но јули 2021 беше најтоплиот месец јули некогаш измерен“, соопшти Рик Спинрад, шеф на НОАА.
Тој истакна дека овој рекорд „го истакнува вознемирувачкиот пат кој го поставија климатските промени“.
(2 of 5) #July 2021 global surface temp was 1.67°F (0.93°C) above avg — making it the hottest July recorded to date.https://t.co/xKGLizOml4 via @NOAANCEIclimate #StateOfClimate report #July2021 pic.twitter.com/8hHkF8ndVM
— NOAA (@NOAA) August 13, 2021
Комбинираната температура на копното и океаните во целиот свет била 0,9 Целзиусови степени над просекот, односно овој јули бил најтоплиот месец откако почнале мерењата пред 142 години.
НОАА во соопштението објави колаж фотографии кои ги илустрираат последиците на климатските промени, вклучувајќи ги поплавите, топлотните бранови, сушата, ураганите и пожарите.
Климатските промени го менуваат светот на начин кој не е виден илјадници, или стотици илјади години, се наведува во извештајот.
