Во сабота (15 септември), со почеток во 11 часот во Градскиот парк во Скопје, граѓанската платформа „Мрдни со прст“ организира голем целодневен настан со наслов „Мрдни со прст – Пикник за сите“.
Посетителите ќе можат заедно да спортуваат, да се забавуваат, но и да поразговараат за граѓанскиот активизам, да добијат можност да се приклучат на идни граѓански акции и да им покажат на другите дека секој може да донесе промени во своето општество.
Отворањето е во 11 часот кога ќе започнат активностите за најмладите и за спортистите, а ќе заврши со музичка програма во 1 часот по полноќ.
Од 11 до 14 часот, Фондацијата за образовни и културни иницијативи „Чекор по чекор“ ќе организира серија активности за најмладите. Во исто време, ќе биде реализиран и спортско – забавен настан под мотото „Размрдај се“ со вежбање фитнес и јога со професионални инструктори под отворено небо, во кои можат да се вклучат сите возрасни групи на граѓани.
Од 14 часот до 17 часот е време за дружење во “чил аут“ зоната во која повеќе македонски диџеи ќе пуштаат релаксирачка музика во позадина, додека посетителите ќе можат да уживаат во слободни активности како фризби, јо -јо, народна…
Од 17.30 часот, па се до 19 часот ќе се одржи трибина под наслов „Нахрани го умот“, а од 19:30 часот до 20:30 часот ќе бидат прикажани 3 кратки филмови од млади домашни автори, кои веќе беа претставени на фестивалот за креативен документарен филм „Македокс“ – „Поинакви“, „Адолесцензура“ и „Поглед во очите“.
Од 20:30 часот, па се до 1 часот по полноќ ќе настапат неколку познати диџеи зад своите миксети, меѓу кои ќе бидат Гоце САФ, Тони Зен, Dj BoogieMan и Dj GameOver.