Massive Attack со ново музичко издание „Ritual Spirit“

Трип хоп дуото Massive Attack најавија ново музичко издание насловено „Ritual Spirit“, составено од четири песни, за кои соработувале со Tricky, Young Fathers, Roots Manuva и Azekel. Новото издание го сочинуваат песните Dead Editors, Ritual Spirit, Voodoo in My Blood и Take It There.

Дуото денеска објави и видео спот за песната „Take It There“, режиран од Hiro Murai. Следно музичко издание се очекува на пролет, а до крајот на годината да се објави и цел албум.

Минатата недела, Massive Attack објавија „сензорен музички плеер“, односно апликација која ги микса песните од нивниот нов албум според податоци земени од мобилниот телефон на корисникот.

Апликацијата е наречена Fantom и работи на модели понови од iPhone 5s. Ја користи локацијата, движењето и биењето на срцето на корисникот за да „манипулира“ со музиката, заедно со времето и сликите од камерата на телефонот.