„Кока кола“ за првпат објави дека создава 3 милиони тони пластична амбалажа годишно – што е еквивалентно на 200.000 шишиња во минута – како повик до другите глобални компании да прекинат да држат во тајност колкав е нивниот „пластичен отпечаток“ врз планетата. Податоците од производителот на безалкохолни пијалаци им беа дадени на кампањата на Елен Макартур, која бара од големите компании и влади да сторат повеќе за справување со пластичното загадување, објави „Гардијан“.
Бројките – кои компанијата во минатото одби да открие – откриваат количина на пластична амбалажа која „Кока кола“ ја има произведено во 2017 година. Компанијата не ја откри бројката на производството на шишиња, но кога неговото пакување е преведено во амбалажа од 500 мл пластични шишиња со ПЕТ , изнесува околу 108 милијарди шишиња годишно, повеќе од една петтина од светското производство на ПЕТ шишиња, кое е на новото под околу 500 милијарди шишиња годишно.
„Кока кола“ е меѓу 31 компанија – вклучувајќи ги и „Марс“, „Нестле“ и „Данон“ – кои откриле колку пластична амбалажа создаваат како дел од потрагата по транспарентност од Фондацијата Елен Макартур. Во комбинација, тие произведуваат 8 милиони тони пластична амбалажа годишно.
Но, поголемиот дел од 150 компании кои најавија глобалната посветеност за намалување на загадувањето од пластика, сè уште одбиваат јавно да ги објавуваат бројките од сопственото пластично пакување. Меѓу нив се и „Пепси Ко“, „ХиМ“,„Лореал“, „Волмарт“, „Марк и Спенсер“ и Бурбери – што беше значително критикувана минатата година, кога беше откриено дека компанијата запали стока од 28 милиони фунти за една година, за да го спречи фалсификувањето.
Во извештајот, Фондацијата за првпат ги објави податоците, заедно со она што компаниите велат дека го прават за справување со пластичното загадување, со што понуди ново ниво на транспарентност во врска со пластиката и напори за запирање на пластичниот отпад и загадувањето.