Вкупно седум милиони евра ќе чини изградбата на новата соларна централа кај кичевски Осломеј, најавија компанијата ЕЛЕМ и Европската банка за обнова и развој.
Договорот денеска го потпишаа директорот за енергетика и енергетски капацитети на ЕБРД, Хари Бојд Карпентер и директорот на ЕЛЕМ, Драган Миновски.
ЕЛЕМ зеде кредит без државна гаранција од 5,9 милиони евра од Европската банка. Остатокот ќе го покрие самата компанија.
Оваа електрана ќе биде 15 гигаватчасовна, доволно за годишна потрошувачка на 2.000 домаќинства, информираат од ЕЛЕМ. Ќе се гради на 15 хектари површина кај Осломеј.
Македонија има 280 сончеви денови, но искористува едвај 1 процент од сончевата енергија
Во нејзиното работење ќе бидат вклучени досегашните 1.000 вработени, кои претходно ќе добијат соодветна обука.
Пред речиси еден месец, Европската банка соопшти дека престанува да финансира проекти поврзани со јаглен, како дел од глобалниот напор на државните банки за развој да го намалат својот удел во климатските промени.
Македонија пред нова транзиција – има ли алтернатива за термоелектраните на јаглен?