Актерките Кирстен Данст и Ванеса Паради, актерот Доналд Сатерленд и режисерот Арно Деплешен ќе бидат во жирито на 69-от Меѓународен филмски фестивал во Кан, соопштија организаторите.
Во жирито, со кое претседава австралискиот режисер Џорџ Милер, уште ќе бидат и италијанската режисерка Валерија Голино, младиот унгарски режисер Ласло Немeш, данскиот актер Мадс Микелсен и иранската продуцентка Катајун Шахаби.
Вкупно 20 филмови ќе се натпреваруват за престижната награда „Златна палма “на овогодинешниот филмски фестивал, кој ќе трае од 11 до 22 мај. На списокот на филмови се наоѓа и филмот „Џулијета“ на шпанскиот режисер Педро Алмодовар, „Последното лице“ на Шон Пен и „Патерсон“ на Џим Џармуш.
Фестивалот ќе го отвори новиот филм на Вуди Ален „Cafe Society“, со Кристен Стјуарт и Џеси Ајзенберг во главните улоги.