Изложба на уметнички дела од студентите на Меѓународниот Балкански универзитет

Во универзитетскиот кампус на Меѓународниот Балкански универзитет (МБУ), денеска ќе биде отворена изложба на тема „Уметност и архитектура“.

Изложбата се состои од повеќе од 200 дела на зададената тема изработени од студенти на Факултетот за уметност и дизајн и на Факултетот за инженерство.

Поставката содржи над 200 дела меѓу кои слики, цртежи, постери, фотографии од студентите од студиските програми за уметност и дизајн, заедно со макети, цртежи на резиденцијални објекти, ентериер, индустриски дизајн, театри, јавни објекти, проекти за урбанизам и други објекти во фокусот на студентите по архитектура.