Луција Мрзљак е хрватска режисерка на анимирани филмови и илустраторка која живее во Естонија. Нејзините филмови се прикажани и наградени на многу филмски фестивали низ целиот свет.
Од 2016 година редовно илустрира за познатото естонско списание за деца „Täheke“. Досега има објавено неколку илустрирани книги за деца во соработка со естонски автори и изложувала илустрации во склоп на бројни групни изложби низ Европа и Русија.
Во 2019 година, таа го режираше анимираното музичко видео „The Closing Door“ во соработка со ирскиот музичар и оскаровец Глен Хансард. Живее и работи во Талин како режисерка, „фриленс“ илустраторка и професорка на Естонската академија за ликовни уметности.
Годинава таа беше и авторка на постерот за четвртото издание на Фестивалот на нов европски филм „Beach film festival“, кој се одржа во Охрид од 21 до 25 јули.
„Инспирацијата е насекаде, во светот околу нас, во соништата, во книги, музика, филмови и историски уметнички дела, во малите детали од нашиот секојдневен живот“, вели таа за Радио МОФ.
Мрзљак своите дела ги изработува рачно, а ги опишува како поетски и сонувачки, бидејќи се стреми да долови атмосфера некаде на границата помеѓу реалноста и соништата.
„Мислам дека токму во доменот на уметноста е да работи надвор од правилата на логиката, да прави дупки во ткаенината помеѓу нашиот свет и другиот. Се обидувам да создадам слики кои не се премногу дефинирани и со отворен крај, за гледачот да го заврши со своја интерпретација. Исто така, постои референца за носталгија и детство“, објаснува таа.
Во моментов, илустрира книга за деца во соработка со хрватската писателка Оља Савиќевиќ и работи на нејзинот следен анимиран филм наречен „Ева“.
Мрзљак е уште една илустраторка која се приклучува на нашата иницијатива #ИнстаИлустрации. Во продолжение, погледнете дел од нејзините илустрации:
View this post on Instagram
View this post on Instagram
View this post on Instagram
View this post on Instagram
View this post on Instagram