#ИнстаИлустрации – Ана Здравкова (@_r_you_ok_)

Ана Здравкова работи како графичка дизајнерка, а инаку е студентка на магистерските студии на Машинскиот факултет – Скопје, отсек индустриски дизајн.  Таа е гејминг ентузијаст, а нејзино хоби е илустрацијата.

„Ме инспирираат стрипови, поточно стилот на цртање што се употребува во стриповите. Сакам да комбинирам елементи од научна фантастика, видеоигри, друштвени игри и популарна култура“ – вели Здравкова.

Таа повеќе сака да црта рачно, меѓутоа во последно време употребува и дигитални апликации и уреди.

„На стилот најмногу ми влијаеле аниме цртаните филмови поточно Attack On Titan, Hellsing и  Castlevania, додека многу серии, филмови и игри ми влијаеле на изборот на елементи како што се Altered Carbon, Lost in Space, Bladerunner, Ghost in the Shell (повеќе цртаниот него филмот), Aeon Flux, Cyberpunk 2077 и Fallout“- дополни за Радио МОФ.

Здравкова е уште една илустраторка која се приклучува на нашата иницијатива #ИнстаИлустрации. Во продолжение, погледнете дел од нејзините илустрации: