Поради помор на риби по течението на реката Вардар во Аеродром, дежурните инспектори од Инспекторат на Град Скопје заедно со екипи на ЈП „Водовод и канализација“ излегле на вонреден увид на терен, соопштија денес од Град Скопје.
„Од страна на екипите на ЈП „Водовод и канализација“ веќе се земени примероци од водата за испитување. Првичните индиции на градските инспектори се дека загадувањето на реката на овој потег е од кругот на поранешна „Железара“, информираат од Град Скопје.
Оттаму најавија дека ќе следат вонредени инспекциски контроли во кругот на „Железара“. Посочија дека одговорните за ова загадување ќе бидат соодветно санкционирани.