[Галерија] Суперхероите во новогодишна посета на децата од Клиниката за детски болести

Тимот од Црвен крст на град Скопје, денес на Клиниката за детски болести ги посети хоспитализираните деца на сите оддели. Членовите на тимот беа маскирани во костими од омилените херои од цртаните филмови, кои ја изведоа вежбата спуштање по јаже. Децата и останатите присутни на клиниката имаа прилика да се дружат и фотографираат со маскираните главни јунаци Спајдермен, Супермен и Бетмен.

„По втор пат се организира вежба со супер хероите, лани исто ова време и сега, целта е да им се олесни и разубави престојот на децата во клиника.“ – вели Кристина Георгиевска од организацијата Црвен крст – Скопје.

 

Ангела Илиевска