[Фото] Риба од рециклирано железо во Градски парк Скопје

Во Градскиот парк Скопје ќе биде поставена склултура на Андреј Митевски, која е замислена естетски да претставува риба, но да служи и за собирање отпад.

Рибата е изработена од рециклирано железо и има функција да биде канта за отпадоци или контејнер со кафезна конструкција во која отпадот од пластика може да се собира од повеќе места.

 

Замислен е и дизајниран да можат и децата да го стават отпадот во овој контејнер. Целта на оваа скулптура е да ги стимулира граѓаните да го остават отпадот на соодветни места и да внимаваат на чувањето на животната средина.

Скулптурата ќе се постави до езерцето во Градски парк Скопје, кај кајакарскиот сојуз.

Проектот е финансиски поддржан од ФООМ.

* Оваа содржина е изработена со помош на Европската Унија во рамките на Проектот за младинско изразување. За објавените содржини е одговорен Младински образовен форум и истите нужно не ги одразуваат ставовите на Европската Унија.