Кофинансираните специјализанти излегоа на протест пред Министерството за здравство за еднакви права како и останатите лекари. Тие бараат повисока плата и загарантирано работно место бидејќи нивните специјализации не се вклопуваат во Законот за здравствена заштита.
Тие велат дека последен официјален состанок со Министерството имале пред 4 месеци на кои ги претставиле своите проблеми и дале правно решение уште пред да се изгласаат последните законски измени во Законот.
Викендот, министерот за здравство Венко Филипче, пак, најави формирање на работни групи за да најдат решение.
Поддршка за протестот на кофинансираните специјализанти стигна од Асоцијацијата на специјализанти и млади лекари. Бараат нивно префрлање во групата на државни специјализанти и упатија апел за законско решение или подзаконски акт со цел уредување и непречена исплата на приватните специјализанти.