Европанорама – патувачки фестивал на најновите современи европски и нордиски кратки филмови

Европанорама 2019 е патувачки филмски фестивал од Љубљана, којшто во Скопје и Гостивар прикажува избор од најновите европски и скандинавски кратки филмови од различни стилови и пристапи (анимирани, фикција, документарни) од млади европски режисери.

Европанорама ќе се одржи во Скопје од 19 до 21 март во Кинотека на Македонија и 22 и 23 март во Центарот за култура АСНОМ, Гостивар.

Во рамките на овогодинешниот проект на Европанорама 2019 ќе се одржи ЗУМ Германија во Скопје и Гостивар. Публиката ќе има можност да проследи четиринаесет кратки германски филмови.

Влезот на проекциите е слободен.

Фестивалот Европанорама претходно беше прикажан во Осло, Бејрут, Љубљана, Белград, Загреб, Грац, Рига, Копенхаген, Будимпешта, а по прикажувањето во Скопје и Гостивар, продолжува за Минск, Подгорица, Трст и други градови.

Повеќе информации за програмата можат да се добијат на следниот ЛИНК.