„Daft Punk Unchained“ е името на документарниот филм кој ќе биде прикажан на француската телевизија Канал плус на 24 јуни, а во него ќе гостуваат низа познати музичари и соработници на електронското дуо.
Меѓу другите, во документарецот се појавуваат Kanye West, како и неколку музичари кои учествуваа во создавањето на албумот „Random Access Memories“: Giorgio Moroder, Pharrell Williams, Todd Edwards, Nile Rodgers и Paul Williams.
Диџејот Pete Tong, режисерот Michel Gondry, францускиот музичар Pedro Winter, германскиот фотограф Peter Lindbergh, дизајнерот Tony Gardner и јапонскиот уметник Leiji Matsumoto исто така се појавуваат во филмот, кој со нетрпение се очекува во музичките кругови.