Целосна програма на DE:SONANZ FESTIVAL 2015

Фестивалот за електронска музика и медиумска уметност De:sonanz, ја објави целата програма за новото седмо издание, кое ќе се одржува 04-07 септември во МКЦ и на повеќе локации низ Скопје.

Богатата програма вклучува настапи на врвни диџеи од целиот свет како Robert Henke од поранешниот берлински електронски состав Monolake, Objekt од Велика Британија, Австријката Susanne Kirchmayr, добро позната како Electric Indigo, германскиот состав Disphonia и A//O [RS].

Во рамките на фестивалот, ќе има визуелни инсталации и VJ-и на Marija B. Jones [UK/DE], Abduct [MEX] и Lazy Kidz Visualz од Македонија. Меѓудругото, ќе се одржуваат и работилници, изложби, ќе се прикажуваат филмови, а ќе има и денска програма.

Од домашните екипи ќе настапат BTKRSH, D2, PMG Recordings, Drop Series, DSPH, Ако Никој Не Свири.

Со специјална светска премиера и концертна промоција на музички и мултимедијални дела ќе се претстават:

Александар Гроздановски (Herzel) & Александра Петрушевска – DUET (модерен танц / аудио / видео настап)

Димитар Додовски ft. Jujo – “Potential Worlds” (поезија / аудио / видео настап)

„Telemama“ – концертна промоција на албумот „Мис Слобода”

„Демек“ – концертна промоција на новиот албум.

Од денеска, блок карти за фестивалот се достапни во продажба, додека карти за индивидуалните фестивалски вечери ќе бидат достапни од 10 август. Бројот на карти пуштени во оптег е строго лимитиран и соодветствува со капацитетот на локациите, особено за настаните во МКЦ и Кино Фросина.

Фестивалот е поддржан од Гете-институт Скопје.