Студентскиот парламент на Факултетот за електротехника и информациски технологии при Универзитетот „Св. Кирил и Методиј“ вечерва (19 октомври) организира бруцошка забава која ќе се одржи во дворот на кампусот на технички факултети.
„Драги сегашни, идни и Вие кои одамна ги поминавте бруцошките непреспиени ноќи, а сепак сакате повторно да го почуствувате бруцошкиот дух, во поинакво издание. Ве покануваме на трофазното издание на „Бруцошка на ФЕИТ“ со три сцени Tesla stage, High-voltage stage и Echo room за сите љубители на електронската, алтернативната и хип-хоп сцената. Да го размрдаме Скопје од секојдневните рутини. Придружете се на супер дружба, многу освежување и урбана музика, заедно со Иван Ајнштајн и и Skopje crew, Man In A Suit, JUNKYARD, Pluto’s Doubts, The Beginnings, Trap Da Fuck Up, DJ Flooder, DJ Fecky Farris, DJ TIHOTO“, велат од Студентскиот парламент.
Настанот почнува во 19 часот.