Активистката Моника Ристовска осудена на една година затвор

Моника Ристовска, која е позната како активистка за легализација на марихуаната, денеска е осудена на една година затвор за неовластено производство и пуштање во промет наркотични дроги, психотропни супстанции и прекурсори, објавува порталот „ЈанакиЗнае.мк“.

„На 10 мај, годинава на улица во Куманово, беше приведена Моника Ристевска, по што е извршен претрес во нејзиното престојувалиште во Куманово и се пронајдени 14, 46 грама канабис“, се вели во објавата на „ЈанакиЗнае“.

Минатата година на 10 октомври, во организација на „Билка“, се одржа протест за поддршка на Ристовска пред Основното јавно обвинителство, откако претходно при извршен претрес во нејзиниот дом, била притворена поради поседување 30 мл. масло од коноп и 15 грама коноп.