Претставници на дел од младинските организации кои се во склоп на Националниот младински совет на Македонија се сретнаа со новиот директорот на Агенцијата за млади и спорт, Дарко Каевски.
На средбата се разговарало за Регионалната младинска канцеларија за соработка (RYCO), која има за цел да овозможи мобилност, размена и помирување меѓу младите од Западен Балкан.
Каевски ја акцентираше потребата за зголемена транспарентност и отвореност на Агенцијата за млади и спорт.
„Договорена е редовна соработка со младинските организации, заедно ќе ги креираме политиките за млади и значаен акцент се става на намалување на младинската невработеност и иселувањето на млади“, стои во соопштението на Агенцијата.
Трајниот механизам за соработка меѓу Агенцијата за млади и спорт и НМСМ е дел и од препораките на Европскиот Парламент.
Претставниците на младинските организации ги образложиле барањата на НМСМ до Владата на РМ и Агенцијата за млади и спорт како и приоритетните прашања кои ќе се разгледуваат во претстојниот период.