Викендов се одржува Националното дебатно првенство

Најголемиот дебатен турнир кој секоја година го организира Младинскиот образовен форум ќе се одржи викендов во просториите на Универзитетот ФОН.  Распоредени во 34 тима, околу 150 учесници ќе се обидат да станат национални шампиони и да ја добијат титулата за најдобри дебатери за 2015 година.

Турнирот се отвора денеска (24 април), а ќе биде посветен на World Schools Debate Format . Во текот на следните два дена ќе се одржат шест прелиминарни рунди, додека во недела попладне се најавени полуфиналето и финалето на настанот.

На прелиминарните рунди ќе се дебатира на две подготвени тези, како и на две тези кои ќе бидат соопштени непосредно пред почетокот на рундата.

Прва теза:  THBT sexually assertive female pop stars identifying as feminists are harmful for feminism.
Втора теза: THBT international military intervention against Boko Haram is justified, regardless of the views of the Nigerian government.

Судискиот тим го сочинуваат:

Петар Ивановски (CA) – Главен судија
Вилдан Дрпљанин (DCA) – Заменик главен судија
Томислав Тодоровски (DCA) – Заменик главен судија

Најдобрите говорници ќе имаат можност за заминат на интернационалното дебатно првенство „Heart of Europe Debating Tournament“.