[Видео] Трејлер за серијата „Better call Saul“, продолжение на „Breaking Bad“

Продукцијата AMC, чиј производ е хит-серијата „Breaking Bad“, го објави датумот за првата епизода на новата серија „Better Call Saul“ – премиерата е закажана за 8 февруари, а следната вечер, на 9-ти, ќе биде емитувана и втората. По ова, новите епизоди премиерно ќе се прикажуваат секој понеделник навечер.

Серијата е ткн. prequel, Што значи дека хронолошки се одвива пред дејствието на „Breaking Bad“, a го следи животот и кариерата на адвокатот со сомнителни етички норми Saul Goodman, чиј лик и во оваа серија ќе го толкува Bob Odenkirk. Автор на новата серија е креаторот на „Breaking Bad“, Vince Gilligan, а според најавите, таа ќе има сличен драмски сензибилитет како и мегапопуларната приказна за наставникот по хемија што станува крал на дрогата.

AMC во исто време го објави и првиот подолг трејлер за „Better call Saul“, а серијата е една од најочекуваните телевизиски содржини во оваа сезона.