Трамп ќе ја продолжи градбата на нафтовод врз територија на индијански племиња

Новиот претседател на САД, Доналд Трамп, потпиша извршна одлука да се продолжи изградбата на нафтоводот во Дакота, која неговиот претходник Барак Обама ја прекина во декември.

Контроверзните нафтоводи Дакота Аксес и Кистоун ХЛ ќе продолжат да се градат, и покрај неколкумесечните протести на индијанското племе Сиукс, активисти за човекови права и еколози.

Протестите спречија изградба на нафтовод врз индијански резерват во Северна Дакота

Тие протестираа бидејќи тој проект ќе предизвика загадување на водата, уништување на природата и би ги оштетил местата од културно и историско значење за домородното население. Демонстрантите за време на протестите, неколку пати се судрија со полицијата.

Изградбата на нафтоводот ќе чини вкупно 3,8 милијарди долари. Воедно, ќе го уништи Стендинг Рок резерватот на Сиуксите. Нафтоводот треба да биде долг скоро 2 илјади километри и дневно да пренесува околу  470 илјади барели нафта под реката Мисури. Протекување, дефект или неправилност би значело загадување на водата за пиење која ја користи населението на американски староседелци кои живеат во околината.

Трамп веќе донесе неколку огромни промени на законите донесени од неговиот претходни, како откажување на Транс-атлантскиот трговски договор и укинување на финансирање на интернационални невладини организации за сексуални и репродуктивни права кои финансираат абортуси.