По повод Светскиот ден за борба против СИДА, Студентскиот парламент на Стоматолошки факултет одржа едукација за ризиците, начините на пренесување, превенцијата и заштитата од оваа болест. Едукацијата се одржуваше од 10-15 часот, денеска во трговскиот центар Рамстор во Скопје.
Секоја година студентите од Стоматологија, Медицина и Фармација го одбележуваат денот со делење информативни флаери, презервативи и црвени панделки.
Годинава, освен што одржаа едукативна акција, студентите собираа и донации на парични средства, кои ќе бидат дадени на семејство кое има потреба од нив.
По завршувањето на едукацијата во Рамстор, студентите продолжиле со акцијата во Стоматолошката клиника.
Настанот е поддржан од Здружението за поддршка на луѓето што живеат со ХИВ – Заедно посилни, Рамстор и Асоцијацијата на студенти на медицина на Македонија.